Gipatas-an na ngadto sa usa ka libo ka pesos ang multa alang sa mga musupak sa atong City Ordinance No. 427 kon ang Disiplina Panahon sa Pandemya Ordinance sa Mati City.
Kini human giaprubahan sa Sangguniang Panlungsod ang giamyendahang probisyon sa ordinansa.
Subay sa bag-ong patakaran, multahan na dayon og P1,000 ang makalapas sa health protocols sa unang paglapas pa lamang niini og kung dili kini mubayad sa multa, mamahimong prisuhon kini sulod sa 36 ka oras.
Kaniadto, community service lamang ug seminar ang ipahamtang na silot sa first offenders. Karon usa ka libo na ang multa o priso.
Sa 2nd offense, dos mil pesos gihapon ang multa o di kaha usa ka bulan nga pagkapriso human mafile sa korte ang kaso.
Busa, siguraduhon natong tanan nga magsunod gayud kita sa health protocols sama sa pagsul-ob og facemask o faceshield, pagdistansya, paghugas sa kamot, likayi ang pagtapok-tapok, ug gawas lang sa balay kon importante ang hinungdan. BNFM-DAVAO
