Pagahimuon nga P1.2 million ro premyo sa masunod nga dag on para sa magadaug nga grupo nga magaintra sa Kalibo Senior Santo Niño Ati-Atihan Festival 2025.
Suno kay Kalibo Mayor Juris Bautista Sucro, pagadugangan nana ro premyo bangud nalipay imaw nga makita nga nagnami ag nag level-up ro mga costumes it kada grupo.
Sayud segun it alkalde nga maabu ro nagastos it kada grupo sa andang mga costumes, ngani agud mas nga ma-motivate ro mga raya hay pagadugangan nana ro premyo.
Ginpasaeamatan man ni Mayor Sucro ro tanan nga nag intra sa Kalibo Ati-Atihan 2024 ag ginpasiguro nga mas nanda nga paga ayuson, pagapanamion ag paga pabahueon ro Ati-Atihan 2025. // ANN DESLENE SALAZAR
