Pabor ang mga ginikanan kag manunudlo sa plano sang Department of Education nga ibalik sa bulan sang Hunyo tubtob Marso ang school calendar.
Matandaan sadtong kasagsagan sang Covid-19 pandemic ginhalin sang ahensya ang school calendar sang mga estudyante sa bulan sang Agosto tubtob Hunyo (Modular mode) agud mapahagan-hagan kag malikawan ang pagdamo nga malapnan sang nasambit nga balatian.
Sandig sa mga reaksyon nga natipon sang Brigada News Team, lunsay pabor ang mga ginikanan kag manunudlo sa syudad sang Roxas bangud suno sa ila, makaangkon man sila sang pahuway kag ma-enjoy man nila ang summer season.
Ginsiling ni Assistant Secretary Francis Bringas, DepEd Deputy Spokeperson, sa tion nga maaprubahan ini, kinahanglan pa sang adjustment kag possible nga ipatuman sa masunod nga tuig 2025. | Judy Ann Juare
