WALA pa mabayri sa Philhealth ang kapin 94Milyon nga over bed claims sa Diagan Cooperative Hospital kini ang gibutyag ni Dr. Renato Diagan. Kapin sa lima ka tuig na nga nadelatar ang maong bayronon ug nakahatag na kini og dili maayong epekto sa operasyon sa ospital.
Miapela na usab si Dr. Diagan sa opisina sa Pangulo aron mahatagan og aksyon ang maong problema, apan nagdumili ang Philhealth nga mobayad niini. Gipasa na matud pa sa nasangpit ang iyang reklamo ngadto sa abogado alang sa mas dali nga aksyon, ug padayon kining naglaom nga mabayran na.
Tungod dugay nang nakagasto ang Diagan hospital sa mga pasyente nga naadmit ug wala gi-cover sa philhealth, lakip kadtong mga pasyente nga nataptan sa Covid-19 nga gi-refer sa ilaha gikan sa uban nga ospital. I Enamie Mogpon
