GIDUSO sa GenSan City council ang ordinansa nga nag-awhag sa mga ginikanan nga dunay anak edad 23 ka bulan pataas nga magbakuna.
Kini ang dungan sa hangyo sa health department sa rehiyon sa mga LGU’s nga mopasar og ordinansa kalabut niini.
Matud ni Konsehal Orlando Odjok Acharon, chairperson sa committee on health ug usa usab ka doktor.
Importante nga mabakunahan ang mga bata batok tipdas, measles, polio ug uban pang vaccine preventable diseases.
Una nang, gikabalaka ni Dr. Aristedes Concepcion Tan, director sa DOH-12 ang ubos nga vaccination rate sa rehiyon dungan tungod sa kahadlok sa mga ginikanan nga pabakunahan ang mga anak tungod sa Dengvaxia controversy.
Sa impormasyon usab sa health center sa Barangay Dadiangas South, GenSan wala nila na-hit ang target sa vaccination gumikan sa kahadlok sa mga ginikanan, kultura ug pagbalhin og puy-anan. I Richel Gubalani
