MI-EXIT na ang naa sa 144 pamilyang benepisyaryo sa Pantawid Pamily Pilipino Program (4P’s) program sa GenSan.
Matud ni Julieta Quintac-an, human sa 14 katuig nga benepisyaryo sa 4P’s usa siya sa 144 nga migradwar gahapon.
Giangkon niini nga dako og tabang sa ilang pang-gastos sa matag adlaw ug sa iyang maintenance ang P4,700 nga ayuda.
Apan human nga nagkatrabaho ug naminyo na ang mga anak, siya ang migradwar na sa programa.
Ilawom sa 4P’s law, kwalipikado sa ayuda ang benepisyaryo kung duna kini anak nga ginapa-eskwela sa pre-school hangtud Senior High school.
Kung si Julieta, migradwar na handom usab ni Rikki Elisa Aguilar nga makaapel sa programa gumikan naglisod sila ug nagkasugod na og eskwela ang mga anak.
Gilusad ang programa atong 2008 ilawom sa Republic Act no. 11310, ang 4P’s ang national poverty reduction strategy ug human capital investment program nga naghatag og conditional cash transfer sa mga pobreng residente sa nasud. I Richel Gubalani
