Iniimbestigahan na ng Philippine National Police (PNP) ang pagkalat ng video ng police operation sa Kingdom of Jesus Christ (KOJC) compound.
Ayon kay PNP Public Information Office Chief Col. Jean Fajardo, hawak na ng PNP ang video ng isang umano’y vlogger at dati umanong miyembro ng KOJC.
Sa naturang video na ipinost sa YouTube, makikita umano ang mga hidden rooms, bunker at tunnels sa KOJC compound.
Pinakita rin umano rito ang “pintig” ng signal na na-detect ng PNP.
Nauna nang sinabi ng PNP na naniniwala silang nasa loob lamang ng KOJC compound nagtatago si Apollo Quiboloy at apat na kapwa akusado nito.
