NAGTAGBO ang mga opisyales sa Comelec Region 12 isip kabahin sa pagpangandam sa umaabot nga piniliay sa May 9, 2022.
Sa kumpersmasyon ni Assistant Regional Director Atty. Jose Villanueva sumala niini nga sa Lake Sebu gipahigayon ang ilang panagtagbo, tinambungan sa mga election officers, supervisors ug directors, ang agenda mao ang pagbansay sa electoral board ug technicians.
Samtang ang dapat pa nila mahan-ay mao ang pagpatuman sa health protocol atol sa election kay daghan ang mga botante nga moadto ug magtapok sa mga tulunghaan nga magsilbing polling places.
Usa matud pa sa hisgutanan nga nagdugay ang ilang panaghisgot ang may kabahin sa pagbantay sa mga marshals sa mga entrances sa eskwelahan unya kon adunay taas og temperature asa kini ibutang nga isolation area ug ang accessible precinct alang sa mga person with disability ug mga senior citizens.
Samtang gihisgotan usab ang may kabahin sa pagrehistro sa mga pirma sa mga magtutudlo nga magsilbi sa election aron dili na makadugang sa trabaho sa mga magtutudlo atol sa piniliay apan nasuta nga dili pa paigo ang kahimanan alang sa digital program mao nga paiguan nalang ang available nga himan. I Ver Diazon
