GIPUNTO ni Brigada Elmer V. Catulpos nga kinahanglang ma-redesign gayud ang economic system sa GenSan aron maka-attract og daghang opportunidad sa trabaho ug panginabuhian nga mag-contribute og dakong income sa siyudad pinaagi sa taxes nga ibalik usab nga pundo para sa pagaserbisyo sa katawhan.
Gani kini gayud matud pa ang unang lakang sa GenSan Dream ang pag-redesign sa economic system sa siyudad aron paspas ang pag-angat sa katawhan.
Gihingusgan pa ni Brigada Elmer kung pulos lang band aid solution, padayun lang mabiyaan ang syudad.
Angayang unahon ang pagmugna og mga trabaho ug panginabuhian aron nga makahatag og padayung serbisyo sa katawhan tungod ang buhis maggikan sa negosyo nga gikan usab sa katawhan.
Kini tungod ang ayuda nga mahatag sa gobyerno dili gayud makasustinir sa pipila ka semana o bulan mao nga kinahanglang hatagan ug daghang oportunidad sa trabaho ug panginabuhian ang katawhan aron padayon nilang masustinir ang panginahanglanon sa pamilya. Subling gipunto usab sa Ama ng Brigada ang GenSan dream maoy damgo nga direksyon ug vision nga makahatag og daghang opurtunidad sa trabaho ug panginabuhian aron masolusyonan ang kalisod sa kadaghanan.
