GITUBAG karon ni Brigada Elmer V. Catulpos ang mga nanggawas nga pagpangdaut batok kaniya nga dili tinuod ug walay rason aron iyaha kadtong himuon.
Matud niini nga dili kalikayan ang mga black propaganda tungod eleksyon na apan hangyo niini sa mga gahimo og pagpangdaut nga undangan na tungod dili kini maayong ipakita sa mga kabataan, kinsa maoy sunod nga mga lider sa GenSan.
Gidugang pa ni Brigada Elmer, gipadako matud pa siya sa iyang ginikanan nga dili kabalo mangaway ug bisan asa sila nagpuyo wala kini record sa unsa mang mga susamang gawi mao nga mas maayong ipunting sa plataporma unsaon sa pagpabangon sa kalisod nga nasinatian sa katawhan sa GenSan.
Alang sa Ama ng Brigada anaa usab matud pa sa katawhan kinsa ang ilang pilion ug kung palaron siya, andam ihatag ang katumanan sa GenSan Dream ug kung dili, andam usab nga ipa-ambit ang blueprint sa maong detalyadong plano.
