CAMARINES NORTE- Pinaigting ng Philippine National Police ang operasyon kontra sa mga lumalabag sa Republic Act 4136, o mas kilala bilang Land Transportation and Traffic Code sa gitna na rin ng mas mataas pa ring bilang ng mga nanangyayaring aksidente sa kalsada.
Sa isinagawang pagpupulong ng Municipal Advisory Council for Police Transformation and Development nitong Lunes, inihayag ni PMaj Melvin Atacador, hepe ng Basud Municipal Police Station na mataas pa rin ang mga naitatalang aksidente sa kalsada sa kaniyang area of responsibility.
Hindi raw talaga maitatanggi na madalas ang aksidente dahil highway na daanan ng iba’t- ibang uri ng sasakyan.
Nakatulong ang isinasagawang Comelec checkpoint dahil na rin sa presensya ng mga awtoridad.
Hindi naman daw kasi pwedeng maglagay ng permanenteng barikada sa kalsada.
Importante umano ang presensya ng mga pulis at ang ginagawang oplan sita.
Batay sa datos ng Basud MPS mula December 2021 hanggang January 2022 nasa 84 ang mga nahuling violator sa 94 na isinagawang operasyon sa nabanggit na panahon.
Lahat ng mga nahuli ay inisyuhan ng Traffic Citations Ticket (TCT).
Wala na rin ngayong Oplan Lambat Bitag Sasakyan na lingguhan namang ginagawa ng Highway Patrol Group sa iba’t- ibang bayan makaraang ipatigil ng pamunuan nito noong huling bahagi ng 2021.
