CAMARINES NORTE- Natatanggap na ng mga Seaweeds farmers ng barangay Dahican Jose Panganiban ang kanilang bahagi sa Indemnity Program mula mismo sa kinatawan ng Philippine Crops Insurance Corporation (PCIC) na si Mr. Norwin B. Roldan.
Sa nakalap na impormasyon ng Brigada News FM Daet, Pinangunahan mismo ng LGU ang pamamahagi ng indemnity para sa mga seaweed farmers na nakaranas ng pinsala mula sa mga nagdaang kalamidad.
Sa nasabing Programa ipinaliwanag ni Ms. Christine De Leon bilang Officer in Charge ng Municipal Agriculture’s Office ang kahalagahan ng pagtatanim ng seaweeds sa kanilang bayan at kung paano ito makakatulong para sa pagsisimulang muli ng kabuhayan ng mga Seaweeds farmers.
Dahil dito, nakita ng lokal na pamahalaan ang potensyal ng Coastal Barangays bilang primary source ng seaweeds sa Camarines Norte kaya lubos ang pagsuporta sa programa, upang mapalakas ang seaweed industry sa nasabing bayan.
