SORSOGON CITY – Naniniwala si Philippine Ports Authority (PPA) Matnog Terminal Management Office Acting Division Manager Aquilles Galindez na pinaka estratehikong lugar upang paglagyan ng pinaplanong One Stop Shop booth ang harap mismo ng Task Force Tagabisay Checkpoint sa pantalan ng Matnog.
Hakbang upang maging mas mabilis ang proseso ng mga dokumento ng mga mananakay dahil sa iisang lugar na lamang mananatili ang mga biyahero.
Dagdag pa ni Galindez na mas mabuti na sa nasabing lugar ito ilagay lalo pa at magkakaroon ng mga collection booth para sa ticket ng mga sasakyan at biyahero.
Sa ganitong paraan, higit na masisiguro ang kaayusan dahil mayroong mga uniformed personnel na titingin sa ticketing booth.
Malaking bagay umano ito upang maiwasan ang mga fixers.
