Nagpatigayun ro Department of Health Western Visayas Center for Health Development (DOH-CHD) it environmental assessment sa Metallica Shipyard sa Barangay Polo, New Washington, Aklan para maresolba ro mga isyu sa ikamayad nga eawas tuga it oil spill nga natabo ku May 26, 2024.
Ro oil spill nga halin sa Barge 102 hay nakaapekto sa pagpangisda sa komunidad ag sa pangabuhian it mga mangingisda sa Lagatik River, partikular sa District 1, 2 ag 3 sa Pinamuk-an, Sitio Malogo, Lagatik, Riverside ag Kamingawan sa Poblacion ag Sitio Kamangahan sa Tambak.
Bangud kara, nag turn over ro DOH Western Visayas it peak flow meter, Go bags, aquatabs water purification tablets, family health kits, latex gloves ag water testing kits, samtang base sa Environmental Management Bureau – Region 6, salbar eon ro kalidad it tubi para sa pagpangisda base sa Certificate of Analysis ku June 5. // ANN DESLENE SALAZAR
