Muling dinepensahan ni Commission on Elections (COMELEC) Chair George Garcia ang kanyang sarili kasunod ng mga dokumento at accounts na inilatag ni Cong. Rodante Marcoleta kahapon laban sa kanya.
Ayon kay Garcia, peke ang lahat ng ito.
Aniya, ang ipinakitang account kahapon ni Marcoleta ay bago, at hindi kasama sa unang sinasabing 49 offshore accounts nito.
Ibig sabihin umano nito – kabubukas lang ng naturang account.
Kaugnay nito, lumalabas aniya na ang nagbukas ng account ay hindi isang supporter, kung ‘di isang PR firm na naka-base sa Miami Florida.
Ani Garcia, pinalalabas nito na siya ang nag-open ng account sa Amerika, at siya rin ay taga-Amerika.
