Nakikita ng independent research group OCTA ang improvement sa sitwasyon ng coronavirus sa Mindanao, pero naalarma kaugnay naman sa sitwasyon sa Western Visayas.
Ayon kay OCTA Fellow Guido David, bagama’t ikinokonsidera ang Davao City bilang “center” ng COVID-19 pandemic sa Mindanao, napapansin naman umano ng grupo ang pagbagal ng trend sa buong lugar.
Una nang sinabi ni David na naungusan na ng Davao City ang Quezon City pagdating sa may mataas na bagong kaso na naitatala araw-araw.
Sa kabila nito, inilarawan naman ni David ang sitwasyon sa Western Visayas, bilang “serious concern,” dahil hindi lang tumataas ang mga kaso, mataas na rin ang healthcare utilization.
Inihalimbawa nito ang average daily attack rate sa Iloilo City sa 26, habang ang ICU utilization rate ay halos 100% na. // MHEL PACIA-TRINIDAD
