KALIBO, AKLAN — Umapela sa publiko si Bishop Jose Corazon T. Tala-oc, DD, it Diocese of Kalibo nga ipangamuyo ro kada isaea.
Base sa ginpaguwa it Diocese of Kalibo nga ‘An Appeal from Bishop Cor’, nga may petsang August 22, 2021, ginhayag it Obispo nga ipangamuyo ro kada pamilya, amigo ag parishioners nga apektado it covid-19 pandemic.
Pero makarun, hay hugot nga umapela si Bishop Cor it pangamuyo para sa mga Pari nga presenteng naga eksperiensya it kalisuron sa andang ikaayong eawas.
Nagpasaeamat man ro Obispo sa tanan nga mga nagtao it bulig pinansyal para sa mga nagamasakit nga mga Pari.
Ginpasiguro man ni Bishop Cor sa mga Pari ag tanan nga tumueuo nga magaililiba gihapon sa makarondaya nga panahon it kalisdanan. / ANN DESLENE SALAZAR
