MALAY, AKLAN—Ginpasiguro it National Task Force Against COVID-19 ag it Department of Tourism nga do mga tourism workers sa isla it Boracay hay makabaton it kadugangan nga bakuna kontra sa coronavirus.
Ginpahayag ni NTF deputy chief implementer Vivencio Hizon nga sa mga masunod nga domingo hay magaabot do kadugangan nga bakuna para sa isla bilang kabahin it two million doses it AstraZeneca nga magaabot sa Pilipinas hin-aga.
Do nasambit sigon nga pagpabakuna sa mga tourism workers hay “dream come true” para kay Tourism secretary Bernadette Romulo-Puyat bangud nga committed sanda sa pagtao it bakuna agud nga amat-amat nga mabuksan do isla sa mga turista.
Samtang, suno man kay Puyat, target nga mabakunahan do 17,000 active workers agud nga eubusan eon nga maka-restart do turismo sa Boracay.
Kung madumduman, do isla hay nakabaton it 3,000 doses it Sinovac vaccines ku adlaw it Sabado kung siin do mga recipients kara hay do 2,178 workers’ it accommodation establishments, hotels ag resorts, 308 empleyado it mga restaurants, 140 sa tourist transport, 374 tour guides, boatmen, e-trike drivers, airport, seaport front liners ag aqua sport providers. // SHERRY ANNE REUNIR-VIDAL
