Dulot daw ng “meticulous phishing” mula sa mga gambling websites ang dahilan ng mga inireklamong unauthorized gcash transaction kamakailan.
Ayon kay Privacy Commissioner John Henry Naga, ito ang naging resulta ng imbestigasyon na ginawa ng NPC Complaints and Investigation Division sa phishing attacks na kinasangkutan ng daan-daang users at umano’y kumita ang mga ito ng milyun-milyong piso.
Sinamantala aniya ng mga threat actor ang mga vulnerable GCASH users, na nag-trigger ng phising scheme sa online gambling websites gaya ng ‘Philwin’ at ‘tapwin1.com.’
Samantala, tiniyak ng NPC sa publiko na nakatuon ang ahensiya sa pagpapatupad ng mandato nitong protektahan ang datos ng mga Pilipino.//CA
