Sa bisa ng Proclamation No. 1390, President Rodrigo Duterte hinirang ang walong indibidwal bilang mga bagong National Artists of the Philippines.
Kabilang dito ang aktres na si Nora Aunor at film director Marilou Diaz Abaya bilang National Artist for Cinema.
Kinilala naman bilang National Artist for Literature sina Screenwriter at novelist Ricky Lee at ang makatang si Gemino Abad.
Ang Stage director at theater actor na si Tony Mabesa, na pumanaw noong 2019, ay pinangalanan bilang National Artist for Theater.
Si Choreographer Agnes Locsin, na nakilala bilang pioneer ng neo-ethnic dance, ay hinirang bilang National Artist for Dance.
Nakuha naman ni Legendary soprano Fides Cuyugan-Asensio ang titulo sa National Artist for Music.
Samantala si Salvacion Lim Higgins, ay kinilala bilang National Artist for Fashion.
Ang mga National Artist ay binibigyan ng ilang mga pribilehiyo, kabilang ang cash award na P100,000 para sa mga nabubuhay na awardees at P75,000 para sa posthumous awardees, na babayaran sa kanilang mga legal na tagapagmana.
Tatanggap din sila ng buwanang pensiyon, mga benepisyong medikal at pagpapa-ospital, life insurance coverage para sa mga nanatiling insurable, state funeral at burial sa Libingan ng mga Bayani, at pagkilala sa national state functions at recognition sa mga cultural events.
MABUHAY ANG ATING MGA BAGONG PAMBANSANG ALAGAD NG SINING!
