-Reymund Titong
KABANKALAN CITY, Negros Occidental — Naka-aresto sang 230 tanan ka mga indibidwal ang Negros Occidental Provincial Police Office (NOCPPO) sa nagkalain-lain nga mga operasyon batok sa mga anti-gambling operations sa bulan sang Hunyo.
Sa nasambit nga numero, ang NOCCPO ang may pinakamataas nga may nadakpan sa mga illegal gambling activities sa Western Visayas.
Sa lebel sang rehiyon, ang mga kapulisan ang naka inisyar sang 126 ka mga operasyon, kag naka -aresto sang 358 ka mga indibidwal kag magkumpiskar sang P159,000 nga balor sang bet money, humalin Hunyo 1 tubtob 30.
Sunod sa NOCPPO, amo ang Bacolod City Police Office nga nakadakop sang 49 ka mga indibidwal, Iloilo Provincial Police Office nga may 25, Aklan kag Antique Provincial Police Offices nga mag 14 ka mga indibidwal nga naka-aresto, Capiz nga may 13, Iloilo City nga may 7, kag Guimaras nga may naka-aresto nga 6.
Pahayag ni PNP-Western Visayas director Brigadier General Jack Wanky, ang mga mataas nga numero sang mga naka-aresto ang nagapakita sang mga tikang sang kapulisan nga matutukan ang mga illegal gambling, kag indi lang ang illegal drugs kag mga wanted persons.*
