-BNFM-Kabankalan
KABANKALAN CITY, Negros Occidental — Ginpandaman sang militar ang mga indibidwal nga magapadalagan sa 2025 national kag local elections sa posibli nga pagpangayo sang suporta sang mga miyembro sang New People’s Army (NPA) ukon mga may koneksyon sa hublag.
Pahayag ni 3rd Infantry Division chief Major Marion Sison, dapat Indi na mahadlok ang mga tawo sa mga NPA kag para sa iya dapat maghalong ang magapadalagan sa masunod nga eleksyon sa mga tawo nga posibli may yara sang katungdanan sa pula nga hangaway.
Madumduman nga ang probinsya sang Negros Occidental kag Oriental ang gindeklarar na nga sa idalum sang state of stable internal peace and security, matapos nga gindeklarar sang mga militar ang Lima ka guerilla fronts sa isla nga nabungkag na, lakip na ang gina-alegar masa sini kag regional strike force (RSF).
Suno kay Sison, ang mga nabungkag nga mga larangan sang NPA, ang may yara nalang nabilin nga lima tubtob pito ka miyembro, nga amo naman suno sa iya ang sentro sang nagapadayon nga military operations sa isla.
Iya man ginklaro nga apisar nga manubo nalang nga numero sang mga aktibo nga miyembro sang NPA, Indi maghalin ukon mabuhinan ang numero sang mga soldado sa Isla sang Negros.*
