ILOILO CITY – Owa eon ginbatun sa covid-19 vaccination sites ro mga indibidwal nga owa nakapagpa pre-register sa Iloilo City kahapon.
Ginhayag ni Iloilo City Mayor Jerry Treñas nga ro nasambit nga tikang hay para malikawan ro mga delayed ag pagdagsa it mga tawo.
Ginpahayag pa it alkalde nga owa it pagabatunon nga walk-in sa mga vaccination sites.
Ginpadumdom man ni Treñas nga dapat sundon ro schedule it vaccination ag ro mga owa nagasunod sa nataeana nga adlaw it bakuna hay igabutang sa pinakaulihing listahan it mabakunahan. / ANN DESLENE SALAZAR
