Sugatan ang isang negosyante na kinilalang si Jean Jean Aquias ng Antipuluan, Narra matapos niyang takasan ang snatcher na humablot ng kanyang bag sa National Highway ng Barangay Malinao, Narra Palawan.
Ayon kay Jean Jean, bandang alas-otso ng gabi nitong Linggo, July 3, 2022 habang siya’y nagmamaneho ng motorsiklo galing Abo- abo ay dinikitan siya ng suspek na naka-motorsiklo bago hinablot ang kanyang sling bag na may lamang pera.
Tinangka ng biktima na tumakas kaya binilisan niya ang kanyang takbo upang hindi maagaw ang bag pero sumemplang siya sa motorsiklo.
Ayon sa ilang tumulong at nakakita sa nangyari sa biktima ay dalawang motorsiklo umano ang sumunod sa biktima kagabi.
Samantala, ang insidente ay iniimbestigahan na ng Narra PNP.
