Arestado ng Criminal Investigation and Detection Group (CIDG Palawan) ang isang 37 anyos na negosyante sa apartment sa Brgy. San Miguel Puerto Princesa City.
Nitong gabi ng Martes, March 21, bitbit ang searh warrant ay ni-raid ng operatiba sa pangunguna ni PCapt. Paulino Tugade Jr. ang tinutuluyan ng suspek at ipinatupad ang search warrant.
Nakuha sa suspek na si “Chemuel Poquita” ang isang unit ng Taurus 9MM Pistol with serial number ABH846167, tatlong magazine ng 9MM at tatlumpong mga bala/ cartridges na walang dokumento.
Samantala, iniimbestigahan pa ng CIDG ang nakuha rin na paraphernalias sa compound ng suspek na may kinalaman sa operasyon ng Small Town Lottery.
Makikipag-ugnayan pa umano ang CIDG Palawan sa PCSO tungkol sa operasyon nito, ayon kay Capt. Tugade.
Nahaharap na sa kasong Violation of Republic Act 10591 or Comprehensive Firearms and Ammunation Regulation Act ang negosyante.
