Pinakamalaking terrorist groomer ang National Democratic Front ayon sa National Task Force to End Local Communist Armed Conflict.
Ayon kay NTF-ELCAC Executive Director Undersecretary Ernesto Torres Jr. ang network ng mga Underground Mass Organizations at Front organizations na ginagamit ng NDFP para makapanloko ng mga indibidwal na sumama sa kanilang kilusan.
Partikular aniyang target ng recruitment ang kabataan at mga estudyante.
Ayon kay Torres ang designation ng pamahalaan sa NDP bilang teroristang organisasyon noong June 23, 2021 ay patunay na nananatiling banta ang grupo sa public safety at national security.
Nanawagan si Torres sa mga indibidwal, pamilya, komunidad, paaralan, at mga workplace na maging mapagbantay sa isinasagawang terrorist-grooming sa kanilang hanay para sa kaligtasan ng kabataan at kaayusan ng lipunan.
