Reymund Titong
KABANKALAN CITY, Negros Occidental — Naglab-ot sa P9,500 pesos ang natipon sang Brigada News FM-Kabankalan gikan sa mga taga-suporta sini, paagi sa Anak1Tahanan, sa isa lamang ka adlaw.
Si baby Airic ang duwa pa lang ka bulan nga lapsag nga gin-diagnosed nga may yara sang Pneumonia, kag yara karun sa Intensive Care Unit (ICU) sang Holy Mother of Mercy Hospital (HMOMH) sa syudad sang Kabankalan.
Madumduman nga una nangayo sang bulig ang amay ni Airic sa Brigada sang Oktubre 4, kag gilayon naman nga naka panawagan. Apang matapos ang pila ka oras, nabiktima ini sang isa ka scammer nga nag pakilala nga mahatag man bulig pinansyal. Diri na kag nadala ang amay kag nahatag ang one-time password (OTP) sang iya Gcash.
Matapos ang pila ka minuto, naubos na ang unod sang iya GCash account nga gina-alegar masubra P5,000 ang unod kag gamiton pa kuntani sa pagpabulong Kay Airic.
Matapos ang isa ka adlaw, madamo nga mga indibiwal sa pungsod kag luwas sang pungsod nga naga-suporta sa Brigada News FM-Kabankalan ang nagpadala bulig pinansyal para kay baby Airic.
Sa karun, nabaton na sang amay ni Airic ang kantidad sang kwarta nga natipon sang estasyon.-BNFM Kabankalan
