Nagpanupod ro gobyerno nasyunal it P3.6-milyong balor nga emergency relief assistance sa mga pumueyo it Pontevedra ag Panit-an sa probinsiya it Capiz nga nadueaan it pangabuhian ag panimaeay bangud sa pagpanalasa it tropical depression “Agaton”.
Nagta-o man sanda it P5,000 cash assistance sa 374 ka mga pamilya.
Sa makra, ro validation it DSWD-6 hay nagapadayon samtang mas maabong LGU pa ro nagasumite it andang mga report.
Sa pinkaulihi nga rekord, kapin sa P4.3-milyong balor it bulig ro DSWD-6 sa Capiz, kaeakip dikara ro 8,800 food pack, hygiene kit, sleeping kit, kitchen kit, ag bottled water.
Sa bieog nga Western Visayas, ro DSWD-6 hay nagpaguwa it kabieogan nga pondo nga nagabalor sa P26,508,721.
* 43,233 family food packs nga nagabalor sa P21,282,978
* 200 modular tent nga nagabalor sa P878,000
* 2,341 non-food relief items kapareho it hygiene kits, sleeping kits at kitchen kits nga nagabalor sa P3,768,213.50
* 4,818 bote it tubi nga nagabalor sa P409,530
* bulig pinansyal nga may kabieogan nga P230,000./JIL B. LACSON
