Nagsaka eun sa P142,813,262.06 ro kabieogan nga kasamaran sa agrikultura nga gin-aywan it tropical deression Agaton sa Western Visayas.
Base man sa rekord it Regional Disaster Risk Reduction and Management Council (RDRRMC), nag-abot eun sa 11 ro numero it mga namatay sa rehiyon bangud sa pagpanalasa it bagyo.
Pero base sa pahayag it Office of Civil Defense (OCD) ro mga numero ngara hay pwede pa nga magtaas samtang nagapadayon ro pagsumite it mga pa local government units (LGUs) it andang mga report.
Halin sa mga naangkon nga datos it RDRRMC, 4,503 ektarya it mga eugta nga pang-agrikultura sa mga probinsiya it Iloilo, Capiz, Antique, ag Guimaras ro ginbaha.
Raya ro breakdown it kasamaran sa agrikultura:
* Iloilo – 1,185 ektarya (P53,519,743.2)
* Capiz – 3,093 ektarya (P81,843,975)
* Antique – 224.85 ektarya (P7,275,438)
* Guimaras – 0.35 ektarya (P183,105)/JIL B. LACSON
