Iga-lunsyar kang Department of Science and Technology – Philippine Textile Research Institute (DOST-PTRI) ang NatDyes Hub sa banwa kang San Remegio kadungan kang selebrasyon kang Regional Science, Technology, and Innovation Week 2024.
Nahamtang sa nasambitan nga hub ang Natural Dyes Extraction and Dyeing Facilities, amo man ang mga handloom weaving machine bilang suporta sa mga weaving community sa probinsya sa diin dya ang nagatuyo nga itib-ong ang paglugom kang mga panapton gamit ang natural dye.
Ginpahayag ni DOST Antique head, Engr. Eleazer Moscoso nga synthetic dyes ang kalabanan nga ginagamit sa paglugom kang mga bayo sa probinsya kang Antique, apang pinaagi sa NatDyes Hub, maka-produce ron dya kang mga lugom halin sa indigenous materials kaangay kang Mahogany, Turmeric, kag Atsuete.
