Gipalapdan pa karon sa Department of Health Davao Region kauban ang mga concerned Local Government Units sa gihimong intensive case investigation may kalabutan sa lima ka natalang Omicron variant sa Rehiyon.
Kini nunot sa kumpirmasyon sa ahensya kagahapon n ga nakasulod na sa rehiyon onse ang maong matang sa virus kung asa halos mga fully vaccinated ang nataptan.
Subay sa report sa DOH-XI, ang lima ka residente nag nagpositibo lakip sa 35 ka specimen nga gipadala sa Philippine Genome Center niadtong Disyembre 23, 2021, tulo kanila ang Returning Overseas Filipinos ug duha ang walay travel history gawas sa nasud diin duha niini ang gi-test sa laing lugar.
Hinoon nakarekober na sa maong sakit ang mga nahisgutan nga anaa na karon sa ilang tagsa-tagsa ka panimalay sa nagkadaiyang probinsya.BNFM-DAVAO
Nasayrang miabot na sa 4,564 specimen samples ang napadala sa DOH-XI didto sa UP-PGC diin usa ka bulan pa ayha mogawas ang resulta sa matag batch sa specimen.BNFM-DAVAO
