Resign sa pwesto, kini ang panagawan sa ubang mga Dabawenyo ngadto sa labaw sa City Engineer’s Office human nga giako sa buhatan ang responsibilidad sa epekto sa nahitabong sunog ilawum sa Bolton Bridge.
Wala mauyuni sa ubang mga residente ang yano ra kaayo nga pagpangayo og pasaylo sa labaw niini nga si Atty. Joseph Dominic Felizarta.
Una niini nangayo og pasaylo si Felizarta tungod sa kapakyas sa iyang buhatan nga tumanon ang naunang plano nga pagbutang og barriers aron dili masudlan og informal settlers ang ilawum sa tulay niadtong 2018.
Kini base sab sa rekomendasyon sa City Disaster Risk Reduction anad Management Office niadtong 2017 nga papahawaon ang mga nagpuyo tungod sa dakong risgo apan naabot nalang og 2022 wala pa kini nabuhat.
Sa karon wala pay tubag ang opisyal sa panawagan sa ubang mga residente.BNFM-DAVAO
