Nagbahad ang Davao City Transportation and Traffic Management Office (CTTMO) nga kumpiskahon ang mga uso karon nga gagmayng bisekleta nga ginagamit sa kabataan nga kulang sa safety devices sama sa brake.
Sumala kang CTTMO head Retired Col. Dionisio Abude, posibleng mabutang sa peligro ang kinabuhi sa mga mogamit sa susamang bike ug sa ubang motorista.
Saysay sa opisyal nga taud-taud nang namatikdan sa iyang mga sakop ang grupo sa mga kabataan nga moagmit og customized mini-bicycles sa nag-unang kadalanan sa syudad sama sa Diversion Road dool Gap Farm Resort sa Talomo District.
Gani duna nay naimbargo nga bisekleta ang CTTMO ug dili kini gibalik sa tag-iya kung diuli mopatim-aw sa ilang buhatan ang mga ginikanan.
Sigon ni Abude nga wala pa napatuman sa syudad ang “Amended Bicycle and Light Mobility Vehicle Ordinance of Davao City,” nga naaprubahan sa Sangguniang Panlungsod sa milabayng July 19, 2021.
Sa maong ordinansa kinahanglan iparehistro sa mga nanag-iya og mga bisekleta sa ilang mga barangay diin rekisitos sa registration ang pagpakita og helmet, headgear, o protective head covering ug paggamit og reflectors, headlights, rear lights, ug bisan unsang warning device.
