KALIBO, AKLAN—Ginsunog it taga-Office of the Provincial Veterinarian (OPVET) Aklan do nagaabot sa napueong kilong pork imbutido ag 153 putos it chicharon.
Nakumpiska do nasambit nga mga produkto ginpatigayong inspection it Bureau of Animal Industry ag Veterinary Quarantine Inspector sa bahin it Caticlan Jetty Port.
Suno sa kay Provincial Veterinarian Dr. Mabel Siñel, ku nagtaliwan nga adlaw hay nakakumpiska man sanda it haeos 44 nga putos it chicharon halin sa Batangas nga nakataeana kunta nga iga-deliver sa probinsya it Capiz.
Suno pa kana, may unang provincial ordinance do Aklan nga hugot nga ginabawaean do pagsueod it mga meat products halin sa mga African Swine Fever (ASF) affected areas ag owa it nagakaigong dokumento.
Nasayuran nga nagapabilin nga eowas sa ASF do Aklan ag do bilog nga Western Visayas. // SHERRY ANNE REUNIR-VIDAL
