KALIBO, AKLAN—Hugot nga ginabantayan it Inter-Agency Task Force kontra ASF do mga entry points sa probinsya it Aklan.
Suno sa Office of the Provincial Veterinarian, importante nga mas hugtan do pagbantay agud nga indi makasueod do African Swine Fever bangud nga raya hay owa it bakuna, owa it bueong, kaya nga magbuhay it virus sa maeamig nga temperatura sa sueod it 1,000 diyas at binuean man sa mga processed nga produkto.
Dugang pa kara, puwedeng maubos do mga baboy ukon suplay it baboy ngani nga magasaka do presyo kara at bisan sigon bukon it makataeapon do ASF sa tawong nagakaon it produktong baboy, do produktong kontaminado hay puwedeng maipasa it tawo ukon sanda hay do magiging carrier it virus ag makapatapon sa mga baboy.
Samtang, uman man nga nagpadumdom sa publiko do OPVET Aklan nga likawang magbakae it mga produktong baboy eabi eon sa online. // SHERRY ANNE REUNIR-VIDAL
