Arestado ang usa ka lalaki nga suspek sa pagpanigbas human dali nga miresponde ang kapulisan nga sakop sa Revitalized Pulis sa Brgy (RPSB) didto sa Brgy Sibayan, Bansalan, Davao del Sur, Nobyembre 16, 2021.
Ang biktima nga nabulit og samad tinigbasan sa lawas giila nga si Ian Tapangan, 40 anyos, ulitawo nga residente sa maong dapit nga dali dali gidala sa haduol nga balay tambalanan apan nabugtuan sa kinabuhi paglabay sa pila ka oras.
Samtang ang suspek misulay pa sa pag-ikyas nga giilang si Victor Lausa, 48 anyos, apan way swerteng nadakpan kung asa narekober ang usa ka lagaraw nga gigamit sa krimen.
Ang suspek gibalhog karon sa Bansalan PNP lock-up cell alang sa pormal nga pagpasaka og tukmang kaso. BNFM-DAVAO
