Giandam na ang kasong kalapasan sa Sec 27e (Trading of Wildlife) sa RA 9147 nga ipasaka sa otoridad batok sa usa ka lalaki nga namaligya og endangered bird species.
Sa report gikan sa Maritime Police Station Sarangani, ang nasikop mao si John Patrick Toribio, 28-anyos, atol sa gipahigayon nga entrapment operation sa kapulisan sa Glan, Alabel MENRO ug uban pang ahensiya kaniadtong Agosto 9 alas-5 sa hapon.
Nagpakunong poseur-buyer ang usa ka pulis aron mopalit sa duha ka suspected endangered bird species gikan kang Toribio sa kantidad nga 33,500 pesos.
Paghatag, daling gisikop si Toribio ug gikostudiya na sa buhatan sa kapulisan. Photo courtesy: MARSPSTA
