Umaabot na sa mahigit 900k liters ng langis ang nakolekta sa lumubog na MTKR Terranova sa Bataan.
Ayon sa Philippine Coast Guard (PCG) , nasa 97,011.58 liters ng oil waste ang nakolekta kagabi sa nagpapatuloy na oil recovery operation.
Simula ng isagawa ang siphon test noong August 19 , nasa kabuuang 903, 265.58 liters na ng langis ang nakolekta mula sa tanker.
Patuloy naman mino-monitor ng PCG ang isinasagawang siphoning operation.
Nagsasagawa rin ng aerial surveillance sa ground zero para matiyak na walang oil sheen habang isinasagawa ang operasyon.
