HILABIHAN ang kalipay nga gibati ni Atty. Chym Maru Catayoc sa dihang nasayran niini nga siya ang usa gikan sa otso mil nga nakapasar sa Bar exam nga gipahigayon niadtong nakalabay nga tuig.
Gipamahayag niini nga dili lalim ang iyang naagian ayha pa niya naangkon ang maong kalampusan tungod kay kaupat na niya kahigayon nga niagi sa pagsulay aron nga mamahimong abogado.
Saysay pa niini nga hilabihan ang iyang pagpakigbisog sa panahon nga sila ang mo-exam tungod kay nag-isolate kini ug nahadlok nga sa pamasin nga magpositibo sa COVID-19 ug dili na hinuon makakuha og exam.
Luyo sa maong mga pagsulay gipasalamatan niini ang mga mahal nga makagagahum sa paghatag kaniya og time table aron nga mamahimong abogado.
Si Atty Maru-Catayoc ang usa sa mga produkto sa MSU Gensan nga apil sa makasaysayan sa mga nakapasar nga mikabat sa 8,241 o 72.28 porsyento gikan sa 11,402 nga nag-take og Bar exam. I Danny Casi
Photo Courtesy: Sem Catayoc
