Patay ang usa ka 25 anyos nga manindahay og isda human gipusil sa wala mailhing mga mamumuno kaganihang alas 12:30 sa kaadlawon sa Sitio Missionaries, Block 3 barangay Suba sa dakbayan sa Sugbo, Mayo 21, 2024.
Giila ang biktima nga si Geraldo Cabando alyas Manjie, 25 anyos, residente sa nahisgutang dapit.
Giingong samtang nag-inum ang biktima kauban sa iyang mga higala, kalit lang miduol ang duha ka mga mamumuno dayon dul-it nga gipusil ang biktima sa iyang ulo sulod sa duha ka higayon nga maoy hinungdan sa iyang hinanaling kamatayon.
Padayon pang gisusi sa kapulisan ang hinungdan sa maong pagpamusil.//
