Gitugyan na ni Davao City Mayor Sara Duterte-Carpio ngadto sa Sangguniang Panlungsod ang lakang nga angay himoon batok sa mga inidibdiwal o grupo nga nagahatag og sayop nga impormasyon bahin sa COVID-19 ug nagadiskaril sa vaccination rollout.
Saysay sa Mayor nga bahala na ang SP kung mopanday og balaud kabahin niini sanglit wala matud pay igong ngipon kung bugtong Executive Order ang iyang ipagawas.
Gitino sa opisyal nga wala sa iyang gahom ang pagtakda og penalidad busa ang Sanggunian maoy angay tugyanan niini.
Hinoon sa karon wala pay susamang sugyot ang gihikay sa hawanan apan posible kining buhaton sa Konseho nunot sa pamahayag sa alkalde.
Samtang giawhag usab ni Mayor Inday ang mga Dabawenyo nga pilion ug salaon ang makuha/madungog nga impormasyon pinaagi sa pag-access sa mga websites nga dunay pagtuon, dokumento, o scientific papers nga basehan sa claims. BNFM-DAVAO
