NAGPAABOT og impormasyon ang wala nagpailang texter kalabot sa scholarship program sa syudad ilawom sa Edukar Gensan, ang reklamo wala daw allowance ang mga bag-ong scholars samtang ang mga old scholars nakadawat og allowances.
Agusto 23, 2021 sa buntag naghatag pagpaklaro ang incharge sa Edukar Gensan nga si Executive Assistant III Philip Pabelic nga bag-o nahimong scholar ang mga nahisgotan napahibalo na kanila ang sitwasyon ug adunay kapilian ang mga bata.
Ang rason daw niini anaa kita karon sa pandemic gamay ang collection sa syudad unya wala man nabawasan ang serbisyo sa gobyerno gani nitaas pa ang panginahanglanon.
Usa gitan-aw paunsa makatipid ang gobyerno nakita ang Edukar Gensan ug nakita usab daw sa Mayor ang panginahanglan sa scholarship kay daghan ang nawad-an og trabaho.
Giduso usab ni Kagawad Rosalita Nuñez nga himuon nga 500 ang scholars apan tuition fees lang sa eskwelahan ang bayaran sa syudad.
Gidugang ni Pabelic nga ang kondisyon sa ordinance nga gi-aprubahan sa Sanggunian nga kon mawala na ang pandemya amendahan na usab ang Ordinance number 07 series of 2021. ( Ever Diazon)
