LEGAZPI CITY – Andam na ang mga personahe kan Philippine National Police, Armed Forces of the Philippines, Philippine Coast Guard, asin Bureau of Fire Protection sa nagdadangadang na Barangay asin Sangguniang Kabataan Election 2023.
Segun sa Police Regional Office 5, piglalaoman na sa mga masunod na aldaw ide-deploy na an mga nasambit na personahe sa manlain-lain na lugar sa rehiyon.
An mga ini ibubugtak sa mga lugar na nasa red category o mga barangay na igwa nin presensya nin communist terrorist group (CTG) o igwang record nin kariribokan.
Kabale sa mga bubugtakan an probinsya kan Masbate, Legazpi City asin Libon kan Albay asin iba pang mga lugar.
Obheto sa pag-deploy kan mga personahe iyo an pagsirbi asin nganing pahigoton an seguridad sa rehiyon ngunyan na eleksyon.
Nakatalaan man an saindang deployment o augmentation force sa Oktubre 27 kasabay kan pag-deliver nin election paraphernalias sa mga polling precincts.
