LEGAZPI CITY – Pigpepreparar na kan Legazpi City Schools Division Office (SDO) an mga pasilidad na gagamiton bilang host para sa Palarong Bicol 2024.
An mga billeting areas, kasarabay an water, electrical asin iba pang mga pasilidad an preparado na para sa nasambit na palaro.
Segun kay Francisco Dexter Sison, Legazpi City Sports Coordinator, pig-aayos na an gabos na mga pasilidad sa mga eskwelahan na gagamiton kan mga atleta asin dudugangan pa ninda an mga pasilidad siring kan comfort rooms asin patubig sa mga billeting areas.
Nagkakaigwa ngunyan nin inspeksyon sa mga billeting schools tanganing masiyerto na an mga pangangaipohan kan mga atleta, maitatao sainda.
Abuton man sa 6,000 na mga atleta hale sa manlain-lain na eskwelahan o probinsya an piglalaomang magpartisipar sa Palarong Bicol 2024.
