Gipusil ug angol nga gidala sa tambalanan ang usa ka lalaki nga nagduwa og scatter didto sa Sitio Balandia, Brgy. Brgy. Guiwanon, Argao, Cebu pasado alas 6 ang takna kagabie Hulyo 23, 2024 .
Ang biktima giila nga si Eduard Navasca Ricaborda, 29 anyos ulitawo nga molopyo sa nahisgutang lugar.
Sa gihimong imbestigasyon sa kapolisan sa Argao pinangulohan ni Police Major Janus Giangan nasayran nga ang biktima nakaangkon og samad pinusila sa nagkadaiyang parte sa lawas human gipusil sa wala mailhing mga responsabli.
Kasamtangang giatiman sa mga mananambal sa Isidro Kintanar Memorial Hospital ang biktima samtang nagpadayon ang imbestigasyon sa kapolisan.
Nasayran nga ang biktima nakakita gyud sa mga mipusil kaniya apan giingung nagdumili kini sa pagkooperar sa gihimong imbestigasyon sa kapolisan ug wala kini gitug-an kung kinsa ang mihimo niini kaniya.
Gisubay karon sa kapolisan sa Argao ang posibleng kalambigitan sa iligal nga drugas sa pagpusil ngadto sa biktima. | Jonalyn Jumabis
