Nag-atubang karon og patong-patong nga kaso ang inahan nga gibaligya ang iyang anak sa Facebook nga Tagum City, Davao de Norte human nadakpan sa buy bust operation sa kapolisan.
Sa interview sa 91.5 Brigada News FM-Davao kang Police Major Anjanette Tirador ang deputy chief sa Tagum City Police Station gibutyag niini nga kasong Child Abuse ug Human Trafficking nga walay girekomendang piyansa ang gipasaka batok sa maong babae.
Pahinumdom ni Tirador ngadto sa mga inahan ug mga mamahimong inahan nga dili buhaton ang susama sanglit duna gayud balaod nga nasupak og siguradong mag-atubang og silot kon kini mahitabo.
Dugang pa niini nga dunay mga government agency nga mamahimong mutabang kong nagkaproblema ngadto sa mga bata og dili lamang kini ibaligya.
Sa pagkakaron giatuman na sa Tagumpay Bata Sagop Center sa maong syudad ang anak sa nasangpit nga suspek.
Kahinumduman nga nasikop ang nasangpit nga inahan human niini gipresyohan og P200,000 ang iyang anak dugan pa bahad nga kong walay mupalit iya kining kulatahon hantud mamatay. BNFM-Davao
