“Kung wala koy magunitan, dili gyud ko makalakaw,” kini ang gibutyag ni Tatay Bernardino Cobacha Jr. o Beni, nag-inusara sa kinabuhi ug kapin 40 na katuig nga dili kalakaw tungod nadisgrasya siya sa pantalan sa iyang pagpanarbaho sauna.
Para naay pang gasto sa iyang pang adlaw-adlaw nga kinahangalan, gaayo og gagmay nga appliances si Tatay Beni. Tungod sa iyang sitwasyon, ginatabangan siya sa iyang mga kapitbahay nga makagawas para mainitan ug para makalaag-laag.
Gani tungod sa wheelchair nga gihatag kaniya, giangkon niini nga dako ang iyang kalipay tungod dakong tabang na kini aron dili malisdan sa iyang paglihok lihok.
Mismo si Idol Brigada Elmer V. Catulpos ang mihatod sa wheelchair sa panimalay ni Tatay Beni sa Prk. Bagong Silang, Labangal.
Ang wheelchair ang gikan sa “singko singko” nga donasyon sa mga miyembro sa KaBrigadahan Gensan nga gibansagan nga bayani ni Catulpos tungod sa ilang walay puas nga pagtabang sa ilang isigkatawo.
