GIKUMPERMA sa Sangguniang Panlungsod Secretary nga wala gihapon nakatambong sa session ang sakop sa Mayor aron mohatag pagpaklaro sa transaksyon ngadto sa mga accredited hotels, pension houses ug inns nga gihimong quarantine facilities sa LGU Gensan.
Sa kumpermasyon ni Atty. Rosendo Roque ilaha na usab nga imbitahon ang gitudlo ni Assistant City Administrator Voltaire Tiu nga si Executive Assistant III Philip Pabelic nga maoy nasayod sa transaksyon sa mga hotels, pension houses ug inns nga gihimong quarantine facility gumikan wala kini nakatambong sa miaging session, Oktubre 26, 2021.
Ang tumong sa subling pag-imbeta aron nga makahatag pagpaklaro sa kalangay sa bayad ngadto sa mga quarantine facilties nga pabalik balik na sa city hall aron maningil sa bayad sa ilang serbisyo.
Sa pahayag sa laing marketing officer sa usa ka hotel nga nagpaila nga si Allan sa miaging tuig nabayaran sila sa miaging tuig ug nagapasalamat sila niini, apan sa karon nga tuig sugod Enero hangtud karon wala pa gayod bayad, mao nga niadto na sila sa City Economic Management and Cooperative Development Office kon CEMCDO unya niadto sa finance kay didto na ang papelis apan wala gihapon klaro, ang ulahing impormasyon gina-metingan pa daw sa Sanggunian.
Sa dugang pahayag ni City Budget Officer John Quemosing sumala niini nga mas maayo kon ang taga Special BAC maoy pangutan-on kay mao ang nasayod sa update sa bayad sa mga hotel.
Samtang sa impormasyon gikan sa usa ka miyembro sa special BAC, gipasa daw kanila ang papelis apan nagdumili sila sa pagproseso kay wala may bid kon fffer kondili utang na kini nga angay bayaran sa syudad.
Kahibaluan nga ang sugyot nga dapat magpaklaro ang taga Executive Department kalabot niini aron nga makaduso og resolusyon ang konseho nga nagatugot sa mayor nga bayaran ang bayrunon sa mga hotel nga gihimong quarantine faciltiy mao nga ilang gipatawag si Chief of Staff Voltaire Tiu milabay nga session.
Sa paghinabi sa 89.5 Brigada News FM Gensan kay Assistant Administrator Voltaire Tiu si Pabelic gayod daw ang nasayod niini.
Abli usab kanunay ang Brigada sa tubag ni Pabelic may kalabotan sa mao nga isyu. ( Ver Diazon)
