Umabot sa 20, 363 ang bilang ng mga batang naturukan ng kontra measles at rubella sa Olongapo City.
Ito ay sa pagpupursigi ng Olongapo City Health Office na magbahay-bahay para masigurong mababakunahan lahat ang mga bata sa lungsod.
Matatandaan na nasa mahigit labing-siyam na libo lang ang target na mabakunahan ng opisina pero dahil sa pakikipagtulungan ng mga magulang ay tumaas pa ang bilang ng mga nabakunahan.
Samantala, kumpiyansa naman ang CHO na mababa ang tyansang tamaan ng mga sakit ang mga bata sa lungsod.//Jen Bayot-BNFM OLONGAPO
