Naghitak pa gihapon ang peke nga mga drivers license sa Davao Region nga ginatanyag sa internet ug social media.
Kini ang pag-angkon sa Land Transportation Office XI pinaagi ni King Cuerpo, Team Leader sa Law Enforcement Division sa maong buhatan, human nga ubay-ubay matud pa ang nakumpiskan ug narevoke ang mga peke nga lisensya.
Ang mga transaksyon matud pa niini gakahitabo online sama sa facebook gumikan sa mga indibdiwal ug mga grupo nga nagatanyag sa maong serbisyo bugti sa dakong kantidad sa kwarta aron makaangkn og lisensya.
Tungod niini miapela ang LTO-XI nga musubay sa saktong proseso sama sa pag-agi una sa Student Permit ug siguruhon nga mismong sa mga District Offices sa LTO lamang molukat og drivers license. BNFM-DAVAO
